कल्पना थापा
जन्मः २०४८/२/१८
स्थानः लेले गाविस, ललितपुर, वडा नं. ९
विद्यालयः अमर कान्ति सेकेण्डरी इङ्गलिस स्कूल, लेले, ललितपुर
कक्षाः ९
भागमा माया पाउँछु भन्थेँ
तर घृणाको पात्र भएछु
सुन्दर हरियाली बन्छु भन्थेँ
तर उजाड मरुभूमि मात्र भएछु ।
अमृत भएर बग्छु भन्थेँ
तर बिषै बिषको पात्रो भएछु
सौभाग्यको रङ्ग छर्छु भन्थेँ
तर सिन्दुर लुट्ने कात्रो भएछु ।
सारा जीवन हाँसेर बाँच्छु भन्थेँ
तर भयानक कालको मित्र भएछु
संसारमा सुवास छर्छु भन्थेँ
तर मात्र भित्ते चित्र भएछु ।
फूलको रस बन्छु भन्थेँ
तर तीतो निमको पत्र भएछु
निरोगी भई बाँच्छु भन्थेँ
तर घाउको सँख्या सत्र भएछु ।
देशमा शान्ति ल्याउँछु भन्थेँ
तर अशान्तिको सुत्र भएछु
आमाको सपना सजाउँछु भन्थेँ
तर देश भाँडने कुपुत्र भएछु ।
राष्ट्रिय पोशाक बन्छु भन्थेँ
तर फाटेको चोली झुत्रो भएछु
काफल बनी सँधै रातिन्छु भन्थेँ
तर कालो कालो चुत्रो भएछु ।
Monday, June 9, 2008
Sunday, June 8, 2008
यात्री
लक्ष्मी प्रसाद देवकोटा
कुन मन्दिरमा जान्छौ यात्री, कुन मन्दिरमा जाने हो?
कुन सामग्री पुजा गर्ने, साथ कसोरी लाने हो?
मानिसहरूको काँध चढी, कुन देवपुरीमा जाने हो?
हाडहरूका सुन्दर खम्बा, मांसपिण्डका दिवार !
मस्तिष्कको यो सुनको छाना, इन्द्रियहरूका द्वार !
नसा-नदीका तरल तर, मन्दिर आफू अपार !
कुन मन्दिरमा जान्छौ यात्री, कुन मन्दिरको द्वार ?
मनको सुन्दर सिंहासनमा, जगदिश्वरको राज !
चेतनाको यो ज्योति हिरण्यमय, उसको शिरको ताज !
शरिरको यो सुन्दर मन्दिर, विश्वक्षेत्रको माझ।
भित्र छ ईश्वर बाहिर आँखा, खोजी हिड्छौ कुन पुर?
ईश्वर बस्तछ गहिराइमा, सतह बहन्छौ कति दुर?
खोजी गर्छौ हृदय लगाऊ, बत्ति बाली तेज प्रचुर ?
साथी यात्री बीच सडकमा, ईश्वर हिड्छ साथ
चुम्दछ ईश्वर काम सुनौला, गरिरहेका हात
छुन्छ तिलस्मी करले उसले, सेवकहरूको साथ ।
सडक किनार गाउँछ ईश्वर, चराहरूको तानामा
बोल्दछ ईश्वर मानिसहरूका, पिडा, दु:खको गानामा
दर्शन किन्तु कहिँ दिँदैन, चर्म-चछुले कानामा ।
कुन मन्दिरमा जान्छौ यात्री, कुन नव-देश बिरानामा?
फर्क फर्क हे ! जाऊ समाऊ, मानिसहरूको पाउ !
मलम लगाऊ आर्तहरूको, चहराइरहेको घाउ
मानिस भइ ईश्वरको त्यो, दिव्य मुहार हँसाऊ ।।
कुन मन्दिरमा जान्छौ यात्री, कुन मन्दिरमा जाने हो?
कुन सामग्री पुजा गर्ने, साथ कसोरी लाने हो?
मानिसहरूको काँध चढी, कुन देवपुरीमा जाने हो?
हाडहरूका सुन्दर खम्बा, मांसपिण्डका दिवार !
मस्तिष्कको यो सुनको छाना, इन्द्रियहरूका द्वार !
नसा-नदीका तरल तर, मन्दिर आफू अपार !
कुन मन्दिरमा जान्छौ यात्री, कुन मन्दिरको द्वार ?
मनको सुन्दर सिंहासनमा, जगदिश्वरको राज !
चेतनाको यो ज्योति हिरण्यमय, उसको शिरको ताज !
शरिरको यो सुन्दर मन्दिर, विश्वक्षेत्रको माझ।
भित्र छ ईश्वर बाहिर आँखा, खोजी हिड्छौ कुन पुर?
ईश्वर बस्तछ गहिराइमा, सतह बहन्छौ कति दुर?
खोजी गर्छौ हृदय लगाऊ, बत्ति बाली तेज प्रचुर ?
साथी यात्री बीच सडकमा, ईश्वर हिड्छ साथ
चुम्दछ ईश्वर काम सुनौला, गरिरहेका हात
छुन्छ तिलस्मी करले उसले, सेवकहरूको साथ ।
सडक किनार गाउँछ ईश्वर, चराहरूको तानामा
बोल्दछ ईश्वर मानिसहरूका, पिडा, दु:खको गानामा
दर्शन किन्तु कहिँ दिँदैन, चर्म-चछुले कानामा ।
कुन मन्दिरमा जान्छौ यात्री, कुन नव-देश बिरानामा?
फर्क फर्क हे ! जाऊ समाऊ, मानिसहरूको पाउ !
मलम लगाऊ आर्तहरूको, चहराइरहेको घाउ
मानिस भइ ईश्वरको त्यो, दिव्य मुहार हँसाऊ ।।
मेरो सानो खरायो
कल्पना प्रधान
मेरो सानो खरायो, आज कता हरायो !
हिजो सँगै खेलेथ्यौं, घरभित्र भुलेथ्यौं !
को पहिले पुग्ने हो, भन्दै हामी कुदेथ्यौं !
खोज्दाखोज्दै बित्यो दिन, डुब्न लाग्यो घाम ।
कल्ले देला बुबु उल्लाई, कल्ले देला माम ?
चिथोर्छ कि बिरालोले, गर्छ म्याउँ-म्याउँ ।
खोजी गर्न लौ न आमा, हामी सगै जाऔं ।
खाटमुनि लुक्यो कि ! आगनीमा पुग्यो कि !
भालु आई चोरेर जंगलतिर लग्यो कि !
मेरो सानो खरायो, आज कता हरायो !
हिजो सँगै खेलेथ्यौं, घरभित्र भुलेथ्यौं !
को पहिले पुग्ने हो, भन्दै हामी कुदेथ्यौं !
खोज्दाखोज्दै बित्यो दिन, डुब्न लाग्यो घाम ।
कल्ले देला बुबु उल्लाई, कल्ले देला माम ?
चिथोर्छ कि बिरालोले, गर्छ म्याउँ-म्याउँ ।
खोजी गर्न लौ न आमा, हामी सगै जाऔं ।
खाटमुनि लुक्यो कि ! आगनीमा पुग्यो कि !
भालु आई चोरेर जंगलतिर लग्यो कि !
Subscribe to:
Posts (Atom)